Pas aplikimit të Republikës së Kosovës për anëtarësim në Këshillin e Evropës, në takim u diskutua lidhur me intensifikimin e angazhimeve të të dy parlamenteve dhe delegacioneve respektive në Asamblenë Parlamentare të KiE-së, njofton teve1.info.
Bogujevci tutje e vlerësoi lartë rolin e Shqipërisë në forcimin e subjektit ndërkombëtar të shtetit të Kosovës, teksa falënderoi edhe kryetaren Nikolla duke përfshirë këtu delegacionin e Tiranës në APKiE për këtë kontribut.
Ndërkaq, Kryetarja e Kuvendit të Republikës së Shqipërisë, Lindita Nikolla, përmendi përkushtimin e Shqipërisë për të lobuar në të gjitha parlamentet e vendeve anëtare të KiE-së për pranimin e Kosovës në këtë organizatë.
