Babaj i Bokës së Gjakovës iu bën konak ushtarëve të NATO-s.
Nga kjo e hënë, Babaj i Bokës së Gjakovës do të presë mijëra ushtarë.
Në këtë zonë ushtarake, do të zbarkojnë ushtarët e 29 vendeve të NATO-s për stërvitjen ushtarake ndërkombëtare “Defender Europe 2025”.
“Për dy javë, Kosova do të jetë nikoqire e mbi 25 mijë trupave ushtarake të NATO-s për ushtrimet ushtarake në këtë zonë”.
Ky ushtrim ushtarak, do të jetë i drejtuar nga Shtetet e Bashkuara të Amerikës.
E lëvizje të mjeteve ushtarake pati shumë pak të hënën në fshat.
Kryetari i këtij fshati, Ram Tali flet me emocione për këtë stërvitje ndërkombëtare.
Tali thotë se janë të vendosura edhe shenjat e zonës ushtarake.
Për këtë ushtrim ka shkruar të hënën edhe kryeministri në detyrë, Albin Kurti.
“Nga baza e FSK-së në Aeroportin e Gjakovës, kjo komandë taktike amerikane do të udhëheqë me të gjitha brigadat në regjionin e Evropës Juglindore. Përveç komandës së Divizionit 28 në Zonën e Trajnimit në Babaj të Bokës njësiteve të FSK-së do tu’u bashkëngjiten edhe njësi ushtarake të Gardës së IOwA, njësi dhe personel nga Republika e Shqipërisë, Republika e Kroacisë, Maqedoncia e Veriut dhe Bullgaria”, tha Kurti.
Kosova do të jetë nikoqire për herë të tretë e njërit ndër ushtrimeve më të mëdha ndërkombëtare të udhëhequra nga Ushtria e Shteteve të Bashkuara të Amerikës për Evropë dhe Afrikë, “Defender Europe 2025”.
