Departamenti amerikan i Shtetit i ka bërë thirrje presidentit të Serbisë, Aleksandar Vuçiq, dhe Qeverisë serbe që të lirojë “menjëherë dhe pa kushte” tre policët e Kosovës të arrestuar më 14 qershor.
DASH thotë se arrestimi dhe vazhdimi i ndalimit të tyre pa bazë ligjore dhe me akuza të rreme e ka përkeqësuar situatën edhe ashtu të tensionuar.
“I bëjmë thirrje presidentit Vuçiq dhe Qeverisë së Serbisë që menjëherë dhe pakushte të lirojnë tre policët e Kosovës, të ndaluar më 14 qershor. Arrestimi i tyre dhe vazhdimi i mbajtjes nën akuza të pabaza ka përkeqësuar situatën edhe ashtu të tensionuar. Sërish u bëjmë thirrje Serbisë dhe Kosovës që ta ndjekin planin trepikësh të propozuar nga BE-ja dhe t’i kthehen dialogut të lehtësuar nga BE-ja, pa vonesa”, thuhet në deklaratën e zëdhënësit të DASH-it, Matthew Miller, të lëshuar të shtunën në uebfaqen e Departamentit Amerikan.
We call on President Vucic and the Serbian government to immediately and unconditionally release the detained Kosovo Police officers. We encourage Kosovo and Serbia to follow the three-point plan outlined by the EU and return to the EU-facilitated Dialogue.https://t.co/P5z72yEhww
— Matthew Miller (@StateDeptSpox) June 17, 2023
