Steua e Bukureshtit, ka hapur zyrtarisht shitjen e biletave për ndeshjen e parë të raundit të tretë kualifikues në UEFA Europa League ndaj Dritës.
Sfidën e parë, kampionët e Kosovës do ta zhvillojnë më 7 gusht, në “Arena Kombëtare” të Bukureshtit, me fillim nga ora 20:30.
Të gjitha biletat janë të disponueshme online në platformën zyrtare të klubit rumun.
Çmimet variojnë sipas zonës dhe fillojnë nga 6 e deri në 40 euro.
Një javë më vonë, më 14 gusht, do të luhet ndeshja e kthimit në stadiumin “Fadil Vokrri” në Prishtinë, që do të përcaktojë se cila skuadër do të kualifikohet për në “play-off”-in e Europa League.
Skuadra që eliminohet do të zbresë në raundin “play-off” të Conference League.
Për të mbërritur në këtë pikë Drita fillimisht elemioi Differdangen nga Luksemburgu, ndërsa më pas u mposht nga Copenhageni.
