Mirlind Daku pritet të jetë titullar dhe ti prijë sulmit të Kombëtares së Shqipërisë kundër Ukrainës, ndeshje kjo që luhet të martën mbrëma në stadiumin “Air Albania” në Tiranë.
Daku i mungoi Shqipërisë në barazimin pa gola ndaj Çekisë shkaku i suspendimit, ndërsa ndaj Ukrainës është plotësisht i gatshëm për lojë.
Për dallim prej Dakut që rikthehet në formacion, te Shqipëria gjasat janë të mëdha që të mungoj Jasir Asani, i cili u lëndua kundër Çekisë dhe u detyrua të largohet nga fusha.
Sa i përket pjesës tjetër të ekipit, ai pritet të jetë i pandryshueshëm pasi selektori Sylvinho do t’i besoj lojtarëve me të cilët startoi kundër Çekisë.
Në portë, do të jetë Thomas Strakosha kurse mbrojtja do të përbëhet nga Ivan Balliu e Mario Mitaj në krah, dhe Arlind Ajeti e kapiteni Ardian Ismajli në qendër.
Para mbrojtjes, do të vendosen Ylber Ramadani e Kristjan Asllani, ndërsa sulmi do të përkrahet nga treshja Taulant Seferi, Qazim Laçi e Nedim Bajrami.
Përballja me Ukrainën është tejet e rëndësishme pasi jo vetëm që synon promovimin në Ligën A por edhe qëndrimin në Ligën B të Ligës së Kombeve.
Aktualisht, Shqipëria ështe e treta në grup me 7 pikë sa i ka edhe Gjeorgjia në vendin e dytë, ndërsa Çekia është lidere me 8 pikë, tri më shumë se Ukrainë që renditet e fundit në tabelë.
