Trajneri i Ballkanit, Ilir Daja ka kërkuar nga skuadra e tij se të jetë e përqendëruar maksimalisht në sfidën me Sivassporin në kuadër të fazës së grupit G në Ligën e Konferencës. Daja në konferencë për shtyp ka deklaruar se sfida që do të zhvillohet në “Fadil Vokrri” do të jetë më e vështirë se në Turqi.
Ballkani në javën e kaluar fitoj 4:3 në transfertë ndaj Sivassporit, derisa të enjtën përballet me skuadrën e njëjtë në “Fadil Vokrri” nga ora 21:00, ndeshje e katërt në kuadër të fazës grupre të grupit G në Ligën e Konferencës.
Daja potencoi fillimisht se është më e vështirë se ndeshjen e kaluar, dhe beson se janë gati për të arritur atë që edhe e dëshirojnë.
“Mendoj se sa më larg që jemi, aq më të vështira bëhen gjërat. Por sigurisht më mbështetjen e të gjithëve, besojmë se do të bëhet paksa më e lehtë ndeshje ndaj Sivassporit me mbushjen e stadiumit. Kjo do të thotë se përgjegjësia për në më e madhe. Të gjithë i kemi nga katër pikë dhe tregon se grupi aspak nuk është i lehtë. Mendojmë se jemi gati, por në ndeshjen e nesërme duhet të bëjmë akoma më shumë se në javën e shkuar për të arritur atë që duam”, ka thënë Daja.
Trajneri i portokallizinjëve nënvizoi se kundërshtari vjen për t’u revanshuar, megjithatë pretendon se ekipi i tij duhet të luajë më fortë se në ndeshjen e kaluar në transfertë.
“Ne po japim më të mirën sepse po fitojmë përvojë në këtë nivel. Presim do të jetë edhe më e vështirë se ajo në Sivas, pasi ata vijnë pas fitores që e kanë arritur në fitoren në kampionat. Ata do të vijnë për t’u revanshuar dhe kanë përvojë më shumë se ne se bashku me kundërshtarët tjerë. Nëse duam të shkojmë atje ku duan të gjithë tifozët në Kosovë, duhet të luajmë edhe më fort, mos të dorëzohemi. Do të jetë shumë më e fortë se ndeshja e kaluar”, përfundoi Daja. /Tëvë1/
