Ministri i Punëve të Jashtme të Serbisë, Ivica Daçiq, theksoi se “lufta për Kosovën dhe ruajtja e integritetit të sovranitetit dhe integritetit territorial të Serbisë ishte segmenti më i rëndësishëm i punës së departamentit të tij në gjashtë muajt e parë” dhe se kështu do të vazhdojë edhe në të ardhmen.
“Secila ministri, secili prej nesh anëtarëve të qeverisë, e kanë Kosovën dhe Metohinë në radhë të parë të përfshirjes së tyre, sepse është pakrahasimisht çështja jonë më e rëndësishme shtetërore. Kosova dhe Metohia, si pjesë e Serbisë, është çështje e marrëdhënieve dhe vendimeve tonë të brendshme, por një shkelje e sovranitetit dhe integritetit tonë territorial është gjëja më e vështirë që mund t’i ndodhë çdo vendi dhe ka të bëjë shumë me faktorët e jashtëm”, tha Daçiq për Tanjug me rastin e gjashtë muajve të punës së qeverisë.
Ai theksoi se qytetarët e Serbisë janë dëshmitarë se sa përpjekje po bën vendi për të ruajtur integritetin e tij dhe theksoi se kjo nuk është duke zgjatur që gjashtë muaj, por me vite, duke kujtuar se kanë kaluar 10 vjet që nga miratimi i Marrëveshjes së Brukselit dhe se Asociacioni ende nuk është formuar.
