Këto akuza sipas Çollakut janë shumë të rënda për Republikën e Shqipërisë.
“Edi Rama i bëri Ilir Metës një akuzë shumë të rëndë. E akuzoi se ka qenë bashkëpunëtor i Sigurimit të Shtetit, e kjo është jashtëzakonisht e rëndë për Republikën e Shqipërisë. Por, Ilir Meta ishte mentor i Edi Ramës, Ilir Meta e bëri Kryetar Bashkie, e bëri ministër, e mbështeti. Ndërsa, Ilir Meta thotë se i kanë manipuluar dosjen, edhe kjo është shumë akuzë e rëndë”, deklaroi Çollaku në emisionin “Infonata”.
Sipas tij, njëri nga këta dy do përfundojë në burg, e sidomos në qoftë se Rama me të vërtetë ka manipuluar ndonjë dosje.
“I bie që kush e ka bërë do shkojë në burg. Por, pse ne duhet të bëjmë gjyqin e këtyre të dyve, le t’i hapim dosjet. Në rast se Edi Rama ka të drejtë dhe Ilir Meta është bashkëpunëtor i Sigurimit të Shtetit, turp për Ilir Metën. Por, në rast se Ilir Meta ka të drejtë dhe Rama ka manipuluar dosjen e tij, Rama do shkojë në burg”, tha tutje ai.
Ndërsa, tutje ai tha se hapja e dosjeve të Sigurimit të Shtetit do të thotë të rikthehet mundësia për një pluralizëm të pastër në Shqipëri, prandaj sipas tij, kjo është një mundësi historike për vendin./Tëvë1.info/
