Kryetari i Shoqatës së Naftëtarëve të Kosovës, Fadil Berjani ka thënë se pas njoftimit të marrëveshjes për armëpushim ndërmjet Izraelit dhe Iranit, çmimet e naftës kanë filluar të bien.
Ai ka thënë se prodhimi i lartë nga SHBA dhe kërkesa më e dobët nga Kina dhe Evropa po e shtyjnë çmimin edhe më poshtë.
Berjani për Tëvë1 ka bërë të ditur se çmimet në Kosovë të derivateve janë: Diesel: 1.24€-1.32, Benzin: 1.23€-1.31€
“Pas marrëveshjes për armëpushim mes Iranit dhe Izraelit, tensionet janë ulur dhe çmimet e naftës kanë filluar të bien. Tregjet nuk po e shohin më si të afërt rrezikun për një luftë të madhe apo mbylljen e ngushticës së Hormuzit, që është rrugë kyçe për furnizimin me naftë. Prodhimi i lartë nga SHBA dhe kërkesa më e dobët nga Kina dhe Europa po e shtyjnë çmimin edhe më poshtë. Por nëse armëpushimi prishet ose ka ndonjë sulm në zonat e naftës, çmimet mund të rriten sërish shumë shpejt. Çmimet aktuale në Kosovë janë:Diesel: 1.24€-1.32€, Benzin: 1.23€-1.31€”, ka thënë ai.
