Krahasuar me muajt më parë, çmimet e derivateve kanë shënuar rënie.
Megjithatë dallimi mes pikave të derivative arrin deri në 10 centë.
Në njërën nga pikat e derivateve 1,47 cent po kushton një litër naftë, derisa në tjetrën pikë shihet të jetë 1.38 cent.
E njohësi i ekonomisë Mustafë Kadriaj, e cilëson si rrezik në qoftë se të gjitha pikat e derivateve do të kishin çmimet e njëjta.
“Kur ka diferencë në cmim bizneset funksionojnë sipas ekonomisë së tregut, rreziku më i madh do të ishte nëse do të kishte një cmime të njëjta në gjitha pikat e derivateve sepse aty mund të jenë cmime monopoliste ose oligopoliste, vlerësojmë se secili biznes e vlerëson në bazë se si ka mundur të furnizohet të del me çmimin si ai vlerëson të jet i përshtatshëm për konsumatorin dhe të jetë fitimprurës për biznesin”, tha Kadriaj.
Ani pse shihet të jetë një rënie e lehtë, qytetarët shprehen të kënaqur me këto çmime.
Derisa shpresojnë që të ketë rënie akoma.
“Jemi të kënaqur që ka ra çmimi i naftës dhe benzinit, ka qenë e vështirë kur kanë qenë më shtrenjtë, me copa jemi mundu me mbet t kish me ra hale ma shume …” tha qytetari Arsim Thaçi.
“Krahasim me para dy muajve sa kanë qenë tash është më mirë, edhe pse nuk është në nivel të kënaqshëm për ne por prapë më mirë”, tha një tjetër qytetar, Ilimni Halitaj.
Fitim Berisha punëtor në njërën nga pikat, shpreh se me rënie të çmimeve edhe interesimi i konsumatorëve është më i madh.
“Ka mashumë fluks të madh, ka pas edhe atëherë kur ka qenë 1,72 ose 73 po tash ka më shumë punë dhe qarkullim më të madh..”, tha Berisha.
Ndërkaq nga Shoqata e Naftëtarëve të Kosovës tregojnë disa nga arsyet që ndikuan të ketë rënie.
“Çmimet kanë ra në tregjet ndërkombëtare dhe në Berz dhe kemi prodhim të shtuar në organizatën prodhuese OPEK. Këto gjëra kanë ndiku në rënie dhe ka reflektu edhe ne Kosovë. Trendi është në rënie. Çmimet në tregun kosovar janë të ndryshme dhe Kosova është treg i lirë dhe i hapur me konkurencë të madhe në treg”, kanë thënë nga Shoqata e Naftëtarëve.
Kujtojmë se gjatë muajve të verës çmimi i karburanteve pati arritur deri në 1.90 euro për litër.
Kronikë e realizuar nga gazetarja, Lendrina Kodrolli
