Portieri i Brazilit, Ederson më nuk është pjesë e skuadrës së Manchester Cityt.
City ka bërë të ditur të martën se Ederson është larguar pas tetë vjetësh në “Etihad Stadium” për në Turqi, te skuadra e Fenerbahçes.
City ka konfirmuar shitjen e Edersonit te Fenerbahçe por nuk ka dhënë detajet e marrëveshjes mes palëve.
Thuhet se Fenerbahçe ka paguar rreth 15 milionë euro për Edersonin, të cilin City e ka zëvendësuar me italianin Gianluigi Donnarumma.
Skuadra angleze ka falënderuar 31-vjeçarin për angazhimin dhe ka kujtuar sukseset e tij me fanellën e Cityt, me të cilën ka fituar hiq më pak se 18 trofe.
Ederson iu bashkua Cityt në sezonin 2017/18 dhe në total ka regjistruar 372 paraqitje për ekipin anglez në të gjitha garat.
