Nënkryetarja e Partisë Demokratike të Kosovës, Vlora Çitaku, ka reaguar pas akuzave të Këshillit të Prindërve të Kosovës, drejtuar Ministrisë së Arsimit për shpallje të njëanshme të zgjedhjeve në këshill.
Sipas Çitakut, qeveria po dëshiron ta shuajë çdo zë mospajtues.
“Pasi sulmuan brutalisht sindikatën e arsimit, Qeveria ia paska mësyrë Këshillit të Prindërve. Tashmë është e qartë, qeveria dëshiron ta shuajë çdo zë mospajtues”, ka shkruar ministrja.
Tutje, ajo u shpreh se prirjet totalitare tashmë janë të qarta.
“Secili është cak sulmi, deri në thyerje apo nënshtrim. Mediat, bizneset, sindikatat, madje edhe KFOR-i. Çfarë marrëzie!. Prirjet totalitare tashmë janë të qarta. Kambanat po bien, e indiferenca në këto situata nuk guxon të jetë përgjigje”, ka shkruar Çitaku në Facebook./teve1.info/
