Nënkryetarja e PDK-së, Vlora Çitaku ka thënë se me liderët e sotëm institucional Kosovës kanë filluar t’i mbyllen dyert që i kishte të hapura.
Ajo në një postim në Facebook duke folur për takimet që kanë zhvilluar Osmani e Kurti në Konferencën ë Sigurisë në Mynih, ku një takim me sekretarin amerikan Blinken nuk u pa, ka thënë se Kosova ishte palë në takime ku ishte SHBA-ja e sot është temë.
“Dikur, në takime të rëndësishme ku ishte SHBA-ja, Kosova ishte palë, e jo temë. Sot, palë është Serbia e temë Kosova, ndërsa krerët e institucioneve tona, sillen korridoreve për të shtrënguar simbolikisht ndonjë dorë, sikur të ishin turistë të interesuar për fotografi e jo përfaqësues të një shteti që i duhet përkrahja e SHBA-së. Me liderët e sotëm të institucioneve, jo vetëm që s’janë hapur dyer të reja, por kanë filluar të mbyllën edhe dyert që Kosova i kishte të hapura”, ka shkruar Çitaku.
Kryeministri Kurti gjatë kësaj konferencë është takuar me kancelarin e Gjermanisë, Përfaqësuesin e Lartë të BE-së, Josep Borrel, të dërguarin e për dialogun Miroslav Lajçak. Kurti ka zhvilluar edhe disa takime tjera me homologë nga vendet e ndryshme si dhe me disa senatorë amerikanë./teve1.info/
