Nënkryetarja e Partisë Demokratike të Kosovës, Vlora Çitaku, e ka vlerësuar sjellje fëmijërore dhe politikisht të papërgjegjshme refuzimin e kryeministrit Kurti, për të marrë pjesë në takimin joformal të liderëve të Ballkanit Perëndimor në Tiranë, para mbajtjes së Samitit të Berlinit.
Ajo ka shtruar pyetje se si është më e rëndësishme për Kurtin, pjesëmarrje në një konferencë në Greqi se ajo me Komisionerin për Zgjerim dh liderët e rajonit.
“Kryeministër, Edi Rama nuk të ka ftuar në dasëm familjare, por në takim me liderët e rajonit, në kuadër të procesit të Berlinit. Në takime të tilla mospjesëmarrja juaj nuk është më refuzim personal i juaji karrshi Ramës. Nuk ka asgjë personale këtu. Mosdurimi dhe qasja e juaj idhnake karrshi Kryeministrit shqiptar po e dëmton Kosovën”, ka shkruar Çitaku.
Zëdhënësi i Qeverisë së Kosovës, Përparim Kryeziu, ka thënë se kryeministri Kurti e ka njoftuar kryeministrin Rama se për arsye që pjesëmarrjen në edicionin e 25-të të Simpoziumit Ndërkombëtar SYMI, i cili mbahet në Greqi e ka konfirmuar muaj më parë, kësaj radhe nuk do të jetë në takim. Por ai ka thënë se Kurti do të marrë pjesë në Samitin e Berlinit që mbahet në muajin tetor në Tiranë./teve1.info/
