Ajo ka thënë se kryeministri Kurti ka pranuar marrëveshjen e vitit 2015, “pa i hequr asnjë pikë e asnjë presje”.
Çitaku ka thënë se për këtë marrëveshje Kurti ua ka borxh votueseve një sqarim të cilën e kishte vlerësuar tradhti kombëtare.
“Pa i hequr asnjë pikë e asnjë presje, Kryeministri Kurti qenka dakorduar për planin e zbatimit të marrëveshjes për energji të dakorduar në Bruksel me 2015. Po të njëjtën marrëveshje, Kryeministri atëbotë e konsideronte tradhti kombëtare. E vetmja gjë konsistente tek Kurti është mungesa e konsistencës. Kryeministri ua ka borxh votuesve të tij një sqarim, a e ka pas gabim atëherë, apo e ka gabim tash? Kryeministri është shëndrruar në noter të marrëveshjeve paraprake, duke e kthyer procesin mbrapa, e duke humbur kohë”, ka shkruar Çitaku.
Kosova dhe Serbia kanë nënshkruar udhërrëfyesin për marrëveshjen për energjinë. Kjo marrëveshje siç ka deklaruar zv.kryeministri Besnik Bislimi mundëson faturimin e energjisë në komunat me shumicë serbe në veri sipas ligjeve dhe sistemit rregullativ të Kosovës./teve1.info/
