Nënkryetarja e Partisë Demokratike të Kosovës, Vlora Çitaku, ka reaguar për deklaratat e kryeministrit të Kosovës, Albin Kurti, i cili sot gjatë seancës i ka drejtuar karshi Prokurorisë.
Ajo ka vlerësuar se deklaratat e Kurtit drejtë institucioneve janë të frikshme e të rrezikshme.
Çitaku thotë që ky lloj mendësie synon të mbjellë frikë deri në nënshtrim, sepse sipas saj, të nënshtruara i duan institucionet e pavaruar, mediat, sindikatat dhe opozitën.
“Jo Kryeministër. Kjo mendësi nuk kalon”, ka shkruar Çitaku në një postim në Facebook.
Gjatë seancës së sotme, kryeministri Kurti, ka thënë se në Prokurori ka një disponim negativ karshi qeverisë së tij dhe se kjo sipas tij, lidhet më së shumti me figurën e kryeprokurorit të Prokurorisë Speciale, Blerim Isufaj.
“Unë nuk kam dyshim se që në Prokurorinë e Shtetit dhe në atë sa ma lartë më shumë, ekziston një vullnet negative-politik për Qeverinë. Jo vetëm ndaj meje si kryeministër, por ndaj qeverisjes tonë dhe ndaj pushtetit të ri të dal nga zgjedhjet e 14 shkurtit, të cilat e sollën ndryshimin e madhe në Kosovë. Kjo lidhet më shumë se më askënd tjetër me figurën e prokurorit, Blerim Isufaj. Ky prokuror nuk e ka asnjë rast të fituar në gjykatë”, ka deklaruar Kurti. /teve1.info
