Çitaku e cilëson proces të stërzgjatur liberalizimin e vizave

Nënkryetarja e Partisë Demokratike të Kosovës, Vlora Çitaku, ka reaguar për liberalizimin e vizave nga Parlamenti Evropian.

Ajo e ka quajtur proces të stërzgjatur liberalizimin e vizave.

“Me shumë vite vonesë, disa të shkaktuara nga kauzat e rrejshme të eksponentëve të klasës politike që sot janë në pushtet, e disa të tjera nga shpërfillja nga ana e B.E, më në fund u përmbyll procesi i stërgjatur i liberalizimit të vizave”, ka shkruar Çitaku në një postim në Facebook.

Ajo ka falënderuar të gjithë zyrtarët publik në institucionet qendrore dhe lokale, për punën dhe angazhimin në përmbushjen e kritereve të paracaktuara nga Komisioni Evropian.