Nënkryetarja e Partisë Demokratike të Kosovës, Vlora Çitaku ka thënë se shoqëria kosovare është polarizuar si asnjë herë më parë.
Për këtë ajo ka akuzuar Lëvizjen Vetëvendosje, për të cilët ka thënë se me vite kanë sharë, fyer e kërcënuar.
Çitaku në Facebook, ka thënë se për këtë situatë kanë përgjegjësi edhe ata, duk kujtuar një incident personal të saj, për të cilin thotë se ka gabuar që nuk e kishte denoncuar.
“Për dekada, eksponentë të VV-së kanë sharë, fyer e kërcënuar. Kanë mbjellë helm e kanë stigmatizuar. Si pasojë, shoqëria jonë është më e polarizuar se kurrë më parë. Pjesë të përgjegjësisë kemi edhe ne, sepse shpesh kemi zgjedhur heshtjen në vend të ligjit, faljen në vend të drejtësisë”, ka shkruar Çitaku.
