Procesi i rinumërimit të votave për kandidatët për deputetë në zgjedhjet e parakohshme parlamentare të 28 dhjetorit ka përfunduar rreth gjysmën e procesit në nivel vendi.
Të dhënat e deritanishme tregojnë se ka pasur lëvizje në numrin e votave për shumë kandidatë, përfshirë edhe liderët e partive politike që garuan në këto zgjedhje.
Sipas rezultateve aktuale të rinumërimit, Albin Kurti, kryetar i Lëvizjes Vetëvendosje, rezulton me numrin më të madh të votave të hequra, gjithsej 319 vota më pak krahasuar me numërimin preliminar.
Pas tij, Lumir Abdixhiku, kryetar i Lidhjes Demokratike të Kosovës, ka 109 vota më pak, ndërsa Bedri Hamza nga Partia Demokratike e Kosovës ka humbur 14 vota.
Ramush Haradinaj, kryetar i Aleancës për Ardhmërinë e Kosovës, rezulton me 3 vota më pak.
Procesi i rinumërimit është ende në vazhdim, ndërsa autoritetet zgjedhore kanë paralajmëruar publikimin e të dhënave të reja gjatë ditëve në vijim.
