A e keni menduar ndonjëherë se zakonet tuaja të të ngrënit mund t’i bëjnë ditët tuaja të vështira? Pra, për ta bërë ciklin menstrual pak më të durueshëm, përpiquni të shmangni sa vijon.
Kafeina
Kafeja mund të duket si një energjizues, por në fakt mund të bëjë më shumë dëm sesa dobi kur jeni menstruacione. Përveçse shkakton fryrje, mund të prishë edhe gjumin tuaj dhe t’ju bëjë të ndiheni të shqetësuara.
Ëmbëlsi
Ndryshimet hormonale janë arsyeja kryesore pse dëshironi diçka të ëmbël gjatë ciklit menstrual. Nëse vini re se pasi të keni ngrënë diçka të ëmbël, ndiheni më keq pak kohë më vonë, pasi ndërprerja e niveleve të sheqerit në gjak nga ana tjetër shkakton ndryshime në psikologjinë tuaj.
Ushqime të kripura ose të skuqura
Mund të mendoni se një pjatë me patate të skuqura është pikërisht ajo që ju nevojitet, por ashtu si ëmbëlsirat, ato gjithashtu mund të kontribuojnë në prishjen e paqes suaj psikologjike. Gjithashtu, nëse keni një histori të dispepsisë, ushqimet e skuqura dhe shumë të kripura do ta përkeqësojnë situatën.
Produktet e qumështit
Produktet e qumështit fajësohen për fryrjen, e cila përkeqësohet gjatë ciklit menstrual. Përveç kësaj, ato mund të jenë stimuluese, duke përkeqësuar dhimbjet që ju shqetësojnë.
Ushqime me shumë yndyrë
Ndryshimet hormonale gjatë ciklit tuaj mund të ndikohen nga një dietë me shumë yndyrë. Për të shmangur çdo ndikim, kufizoni ushqimet si hamburgerët me mish të yndyrshëm (p.sh. mish viçi), salcat me shumë yndyrë, kremrat, byrekët ose kroasanët.
Alkooli
Është më mirë ta shtyni atë gotë verë deri pas ciklit menstrual nëse doni të shmangni fryrjen, ënjtjen dhe pagjumësinë.
