Chelsea kërkon me patjetër ta ketë pjesë të skuadrës së saj talentin që shkëlqeu në Botëror me Argjentinën, Enzo Fernandez.
Mediet britanike raportojnë se në kontratën e mesfushorit me Benfica-n është vendosur një klauzolë që shkon në plot 120 milionë euro.
Një shumë goxha e konsiderueshme, por klubi portugez nuk pranon kurrsesi lirimin e 21-vjeçar nëse në arkat e saj nuk depozitohet shifra e kërkuar.
Në këtë situatë Chelsea nuk ka zgjidhje tjetër përveçse të vihet sa më shpejt në lëvizje, pasi “blutë” e Londrës nuk janë të vetmit që po e ndjekin me vëmendje mesfushorin, interes të lartë për të ka shfaqur edhe Liverpool.
