Chadikovska, gazetare e rrjetit Laboratori për Gazetari Hulumtuese – IRL, i titulluar “Gjaku i papastër”, në një intervistë për Tëvë1, theksoi se hulumtimi është realizuar duke u bazuar në 24 hulumtime të bëra jo vetëm nga Maqedonia por edhe nga Kosova.
“Ky hulumtim është bazuar në 24 hulumtime qe janë bërë jo vetëm nga Maqedonia por edhe nga Kosova. Të gjeturat kryesore nga ky hulumtim janë që spitali më prestigjioz në Maqedoni “Zhan Mitrev”në mënyrë ilegale ka kryer trajtim të pa sigurt dhe të pa çartë për Covid-19,qe ka sjellë vdekjen e disa pacientëve nga Maqedonia, Kosova, Shqipëria dhe Sllovenia”, tha ajo.
Sipas saj, qëllimi i këtij eksperimenti ka qenë të kuptohet se a funksionon pastrimi i gjakut për trajtimin e pacientëve me Covid-19,e që siç tha ajo pacientët nuk kanë qenë të njoftuar për rreziqet e ketij eksperimenti.
“Qëllimi i këtij eksperimenti ka qenë të kuptojmë se a funksionion pastrimi gjakut apo hemofiltrimi për trajtimin e Covid-19 . Çështja këtu është e pacientët nuk kanë qenë të njoftuar për rreziqet që vinin nga kjo procedurë, pasi që kjo është një procedurë shumë e rrezikshme. Kjo përveç tjerash tregon edhe një histori që tregon dështimin e autoriteteve për të mbrojtur jetën dhe shëndetin e qytetarëve”, deklaroi Chadikovska.
Teksa gazetarja e këtij hulumtimi theksoi se ende nuk kanë statistika të sakta sa i përket numrit te saktë të viktimave në këtë klinikë.
“Ne nuk kemi statistika për viktimat nga Shqipëria dhe Sllovenia pasi që ata nuk kanë raportuar përgjatë kohës që ka ndodhur hulumtimi, por po raportojnë tani pas publikimit tonë. Kurse viktimat nga Kosova janë të moshës 28, 32, 35 dhe 44 vjeç. Duhet të falënderojmë familjet për guximin dhe që kanë raportuar rreth kësaj cështje tek ne”, tha ajo.
Kurse tha se kjo çështje tani është në duar të prokurorëve, për t’u zbardhur edhe numri i saktë i viktimave.
“Patrimi i gjakut nuk është bërë për trajtim nga Covid-19 pasi që ai është shumë i rrezikshëm, por është bërë për eksperiment kështu që nëse kanë dashur ta testojnë fillimisht është dashur të bëhet hulumtim mjekësor dhe të lajmërohen autoritetet për këtë hulumtim dhe të informohej pacienti duke i treguar për rreziqet dhe të merrej leja e tyre. Ne do të lëmë hulumtimin në duar të prokurorëve që të zbardhet se sa persona në të vërtetë kanë humbur jetën si pasojë e hemofiltrimit”, shtoi ajo./teve1.info./
