Në fund të dhjetorit erdhi një lajm i mirë për shtetin më të ri në Evropë.
Kompania “Amazon” ka njohur zyrtarisht Kosovën.
Tashmë qytetarët mund përfshihen në të gjitha platformat e kompanisë.
Ekspertja e Amazon në Dubai, Fatjona Hajdarmetaj flet për rëndësinë e kësaj platforme dhe përfitimet që do i ketë Kosova.
“Të hapësh një llogari në Amazon është si të hapësh një biznes sepse funksionon vet nëse ti e bënë një setup në fillim e bënë të rregullt dmth e fut një produkt që ka kërkesa dhe ka një kualitet shumë të mirë dhe e bënë një setup në mënyrë perfekte ai produkt mund të shitet dhe ti mund ta menaxhosh dhe një punë tjetër”, tha Hajdarmataj.
Por, kur do të kenë mundësi qytetarët të kyçen në Amazon?
“Unë punoi në Dubai me Amazon dhe ndihmoi klientët që të hapin llogari në Amazon por jam në kontakt me ta dhe do të mundohem e patjetër do të loboi që të aktivizojnë sa më shpejtë këtë opsion”, tha ekspertja Hajdarmetaj.
Si hap pozitiv për vendin po e sheh edhe njohësi i ekonomisë, Jakup Bellaqa.
“Është një hap pozitiv sepse ekonomia e Kosovës integrohet në ekonominë globale, dmth rrjetet sociale të ndryshme dhe mediet ndikojnë që ekonomia të zhvillohet dhe të hapet dhe përmes Amazon Kosova integrohet me produktet dhe shërbimet e veta, plason dmth tregut ndërkombëtar” , tha Bellaqa.
Por sa ka ndikuar mos aprovimi apo mos njohja nga platformat digjitale?
“Mos aprovimi apo mos njohja nga platformat digjitale ka privuar qytetarët e Kosovës coftë në marrjen e shërbimeve coftë në ofrimin e shërbimeve në hapësirën digjitale. Në rastin kur qytetarët e Kosovës janë identifikuar si qytetarë të Shqipërisë atëherë Shqipëria ka përfituar sepse është njohur që blerësit ofrues do të thotë në jemi qytetarë të Shqipërisë dhe kjo ka ndikuar coftë në ofrimin e shërbimeve të lira coftë në rritjen e shërbimeve”, tha eksperti i Kibernetikës, Mentor Hoxhaj.
Oda Amerikane në Kosovë dhe Zyra e Presidencës kishin njoftuar se Kosova ka fituar njohje zyrtare nga kompania teknologjike, Amazon dhe kjo u quajt arritje që erdhi si rezultat nga takimet që kishte mbajtur Presidentja Vjosa Osmani me përfaqësuesit e gjigantit teknologjik Amazon në Washington.
