Ministri në detyrë i Kulturës, Rinisë dhe Sportit , Hajrulla Çeku bëri të ditur se është nënshkruar marrëveshje për asistencë për revitalizimin e “Pallatit të Rinisë dhe Sporteve” për Lojërat Mesdhetare 2030. Mes tjerash, theksoi se janë në pritje të interpretimit të Gjykatës Kushtetuese për Ligjin për Lojërat Mesdhetare, meqë ende nuk është themeluar Komiteti Organizativ i këtyre lojërave.
Pas mbledhjes së qeverisë, Çeku u shpreh se para disa ditëve është nënshkruar marrëveshja për asistencë me Bankën Evropiane për Investime.
Ministri në detyrë i Kulturës, Rinisë dhe Sportit tha se janë në pritje të interpretimit të Gjykatës Kushtetuese për Ligjin e Lojërave Mesdhetare.
Ai bëri të ditur se këto ditë janë shpallur edhe procedurat e prokurimit për ndërtimin e stadiumit të ri të Suharekës.
Lojërat Mesdhetare do të organizohen në Kosovë në vitin 2030. Ky organizim është cilësuar çështje me rëndësi për shtetin e Kosovës.
