Braziliani Casemiro pritet të largohet nga Manchester Unitedi në fillim të vitit të ardhshëm. “Sky Sports” shkruan se ekipi anglez ka marrë vendim ta nxjerr në shitje Casemiron pasi trajneri Erik ten Hag nuk është i kënaqur me paraqitjet e tij. Casemiro, aktualisht është i lënduar dhe nuk do të rikthehet deri në fund të muajit të ardhshëm. Tek Unitedi, janë të hapur për ofertat për Casemiron, të cilin po e vlerësojnë rreth 70 milionë euro.
31-vjeçari vitin e shkuar iu bashkua Unitedit nga Real Madridi dhe ka kontratë deri në vitin 2026. Në 12 ndeshje të luajtura këtë edicion, Casemiro ka shënuar 4 gola dhe ka bërë 1 asistim në të gjitha garat. Gjasat janë të mëdha që Casemiro në janar të transferohet në Arabinë Saudite.
