Rrugën për tek shkolla e bëjnë çdo ditë me fëmijët e tyre.
Kjo për të hequr ngarkesën e çantave të shpinës për ta.
Por bartja e librave shkollorë po i mbingarkon edhe vet prindërit.
“T’rana, qe sot ni herë në javë i ka shumë libra, sot është shumë e ranë për moshën edhe klasa e parë, është shumë”, thotë një prind.
“Po mu kur më vjen rand, po fëmijëve? Shumë t’rana, çka me ba”, deklaron një prind tjetër.
Sipas Sindikatës së Arsimit, arsyeja e rëndesës së çantës shkollore është numri i madh i teksteve shkollore.
“Fatkeqësisht po themi kemi shumë tekste shkollore, nga tri e katër për një lëndë mësimore dhe kur këto vendosen në një çantë bashkë të mësimit atëherë kjo çantë bëhet tepër e rëndë për moshën e fëmijëve, sidomos klasën e parë dhe të dytë”, theksoi Rrahman Jashari nga Sindikata e Arsimit.
E sipas Institutit EdGuard, mbingarkesa në çanta është kalon 10 përqindëshin e mesatares tek grupmoshat e ciklit të ulët.
“Ajo çka na është dëshmuar nga hulumtimi jonë i para disa viteve është që kjo ngarkesë është diku mbi 11% në mesatare se sa ajo që do duhej të ishte një peshe të zakonshme të një nxënësi të kësaj grupmoshe”, bëri të ditur njohësi i arsimit, Rinor Qehaja.
Ky Institut së bashku me Ministrinë e Arsimit nga e mërkura e kësaj jave filluan rishikimin e teksteve shkollore. Në kuadër të kësaj, minimalizimi i teskteve shkollore është ndër fazat e rishikimit.
Kronika e realizuar nga gazetarja Albiona Hajdari
