Historiani dhe njëri nga themeluesit e LDK-së, Jusuf Buxhovi, ka thënë se historikisht është bërë padrejtësi ndërmjet rezistencës paqësore dhe asaj të armatosur.
Ai thotë se këto dy lëvizje kanë qenë të ndërlidhura. Sipas tij lëvizja paqësore ka qenë institucionale dhe ka pasur dy limite të veta.
“Historikisht është bë një e padrejtë, sepse është nda rezistenca e armatosur prej asaj të konceptit të rezistencës institucionale .Ka pas dy limite të veta, është dashtë ta bëjë politikën pa luftë dhe luftën pa politikë, të cilat i kanë kontrolluar amerikanët dhe ndërkombëtarët. Linja e parë është dashur ta tregojë dëshmimin tonë , demokratikë, civilizuese.. Ndërsa lëvizja e rezistencës së armatosur, kur është themelua Qeveria e Bukoshit në vitin 92 i ka pas edhe dy ministri, atë të mbrojtjes dhe rendit publik, d.m.th një koncept ku janë përfshirë edhe këta dy segmente dhe kanë fillua me vepru pak”, ka thënë ai në emisionin “InfoNata” në Tëvë 1.
Buxhovi ka thënë se me urdhrin e presidentin amerikan Xhorxh Bush më 1992, Serbisë edhe Kosovës i ishte ndaluar një luftë e armatosur.
“Problemi më i madh ka qenë urdhri i kshnellave i presidentit Xhorxh Bush më 4 dhjetor 1992, ku Serbisë i vihet vija e kuqe se nuk guxon me hap luftë në Kosovë, ka qenë pika e parë. Por është edhe pika dy që shqiptarët nuk kanë dashur ta shohin është thënë se as shqiptarët nuk guxojnë të përdorin kur farë veprimi të armatosur kundër njësive serbe dhe pushtetit serbë”, ka thënë ai.
