Në një intervistë për “Ditarin” në Tëvë1 me Flaka Zogu, Bunkaju ka thënë se qeveria e ka obligim të kujdeset për qytetarët sepse mjetet që i posedon janë të taksapaguesve.
“Nëse qeveria ka thënë që ka rezerva të miellit edhe për 3 muaj atëherë duhet t’ua dëshmoj dhe argumentoj qytetarëve se me të vërtetë ka rezerva edhe për 3 muaj. Kryeministri mundet me u deklaruar por a është i sigurt që ka rezerva edhe për tre muaj për miellin ndërsa për vajin edhe një muaj. Kjo realisht është pak pasi që shteti është i obliguar të ketë rezervat e veta, të mbush stoqet e veta që t’iu del në ndihmë qytetarëve të vet” ka thënë ajo për Tëvë1.
Më tej Bunjaku ka shtuar se Lidhja Demokratike e Kosovës ka dal me propozime konkrete ndaj qeverisë që tu dal në ndihmë qytetarëve.
“Qeveria është e obligueshme ti subvencionoj qytetaret në këtë kohë krize. Nuk është normale të rriten çmimet brenda ditës dhe është përgjegjësi e qeverisë të përdor masa shtesë duke e largua TVSH apo akcizën dhe të shtoj numri e inspektorëve që të monitorohet tregu kosovar në mënyrë që të mos ndodh rritja drastike e çmimeve” ka thënë ajo.
