Kryetari aktual dhe kandidati për kryetar të Komunës së Podujevës nga radhët e Lëvizjes Vetëvendosje, Shpejtim Bulliqi, është shprehur i bindur se do të rizgjidhet në këtë post.
Bulliqi, në emisionin “Këndi i Debatit” në Teve1, ka thënë se beson që të dielën do të shpallet fitues pa pasur nevojë për balotazh.
Sipas tij, të gjitha matjet që ka bërë Lëvizja Vetëvendosje në Komunën e Podujevës e tregojnë këtë rezultat.
“Unë do të vazhdoj të jem kryetar, sepse kam punuar për ta merituar këtë post, dhe besoj se qytetarët e Podujevës tashmë e njohin punën e madhe që është bërë gjatë mandatit tim. Mendoj se gjithçka do të përfundojë në raundin e parë. Besoj se të dielën në mbrëmje do ta kemi të qartë rezultatin, pa balotazh. Tashmë kemi disa matje dhe të gjitha tregojnë se jemi drejt fitores që në raundin e parë. Megjithatë, unë kam vazhduar të jem shumë aktiv edhe gjatë kësaj periudhe”,ka deklaruar Bulliqi./teve1.info/
