Bulliqi ka dënuar ashpër sulmin ndaj imamit, teksa ka kërkuar nga organet e rendit të ndërmarrin masa ligjore ndaj të dyshuarve.
“Jemi shqetësuar shumë me lajmin për sulmin fizik ndaj imamit Zeqir Berisha, i cili si person shquhet për humanitetin, kulturën dhe tolerancën njerëzore. Duke e dënuar ashpër sulmin ndaj hoxhës në vendin e tij të punës, kërkoj nga organet e rendit të ndërmarrin masat ligjore dhe autorët e sulmit të marrin dënimin e merituar”, ka shkruar ai në Facebook.
Teksa hoxhë Zeqir Berishës i ka uruar shërim të shpejtë.
Sulmin ndaj imamit të xhamisë së fshatit Lupç i Poshtëm, të Komunës së Podujevës, Zeqir Berisha e ka dënuar edhe Bashkësia Islame e Kosovës (BIK)./teve1.info./
