Sulmuesi i Kombëtares së Shqipërisë, Armando Broja do të mungoj për pjesën e mbetur të sezonit por nuk do të largohet nga skuadra e Evertonit.
Broja këtë sezon ka pasur vazhdimisht probleme me lëndimet, por dëmtimi i fundit që e pësoi me 4 janar kundër Aston Villas, doli të jetë fatal për 23-vjeçarin.
Shkaku i këtij lëndimi, Broja nuk do të luaj këtë sezon edhe pse deri më tani ka regjistruar vetëm 5 paraqitje për Evertonin në Premier League.
Në fakt, Broja u huazua i lënduar tek Evertoni nga Chelsea dhe arriti të rikuperohet për të debutuar këtë sezon më 4 dhjetor përpara se të dëmtohet një muaj më vonë.
Edhe pse Evertoni ishte në bisedime me Chelsean për ta ndërprerë huazimin e Brojës para kohe, është marrë vendim që sulmuesi shqiptar të mos kthehet në “Stamford Bridge”.
Broja ka kontratë me skuadrën e Chelseat deri në vitin 2028, ndërsa Evertoni kishte opsionin e blerjes së tij këtë verë për 20 milionë euro.
