Futbollisti Kaoru Mitoman, një nga lojtarët më të rëndësishëm të skuadrës së Robert De Zerbit ka arritur akordin e ri të marrëveshjes me Brighton City. Sulmuesi i majtë, i cili është një ndër më të dalluarit edhe te kombëtarja e Japonisë do të rinovojë për 5 vite të tjera me “pulëbardhat”.
Marrëveshja nga e cila do të përfitojë rreth 80 mijë paund në javë, japonezi Mitoma numëron 3 gola dhe po kaq asiste në këtë sezon në Premier League.
26-vjeçari vlerësohet shumë nga drejtuesit, trajneri italian dhe tifozët e Brightonit. Tani pritet vetëm zyrtarizimi dhe firma mbi kontratën e re.
Emri i tij u lidh me një transferim te Chelsea në sezonin e kaluar, ndërkohë që pëlqim për të kishte edhe nga Liverpool e United. Megjithatë, Mitomas i pëlqen klima, por edhe klubi i tij i Brighton.
“Qyteti ka një klimë të mirë, deti është afër, kështu që është një vend vërtet i mirë për të jetuar. Më pëlqen të jetoj këtu. Tifozët na mbështetin si në shtëpi ashtu edhe në takimet jashtë fushe”, u shpreh futbollisti i Brightonit.
