Kërkesa e lartë e Kristjan Asllanit për pagë, ka bërë që Bologna të tërhiqet nga gara për shërbimet e tij.
Mediumet italiane kanë raportuar të mërkurën se Bologna po shikon opsione tjera për mesfushën për shkak se Asllani nuk është bindur nga oferta e klubit italian.
Asllani është nxjerrë në shitje nga Interi, pasi trajneri Christian Chivu nuk llogarit në shërbimet e tij dhe po synon ta shesë brenda këtij muaji.
Të martën, Bologna e Interi arritën marrëveshje për Asllanin por ishte futbollisti, ai që bllokoi të realizohet kjo lëvizje.
Asllani kërkonte të paktën 2 milionë euro pagë vjetore, ndërsa Bologna i ofronte 1.5 milionë euro dhe kontratë pesëvjeçare.
Bologna do ti paguante Interit dëmshpërblim prej 10 milionë eurosh, plus ekipi do të mbante 40 për qind nga rishitja e tij e ardhshme.
Asllani më herët ka refuzuar kalimin edhe te Real Betisi e Sassuolo, ndërsa është kërkuar edhe nga Fiorentina e Parma.
