Ai ka bërë të ditur se vetëm 71 persona janë dënuar me aktgjykimet e plotfuqishme për krimet e kryera gjatë luftës në Kosovë. Sipas Blakajt, ky është një fakt i rëndë për gjithë shoqërinë e sidomos për familjet e viktimave, për familjet e atyre që kanë humbur jetën apo që janë zhdukur gjatë periudhës së luftës, shkruan Teve1.info.
“Ne në fondin për të Drejtë Humanitare do të publikojmë raportin e fundit për krime lufte që të pasqyrojmë gjetjet për krimet e luftës në Kosovë. Gjetjet e raportit janë jashtëzakonisht skeptike sepse vitin e fundit ka qenë vetëm një aktakuzë për krime lufte. Është një numër jashtëzakonisht i lartë mbi 13 mije e 500 njerëz që janë vra apo kanë humbur jetën gjate luftës, mbi10 mijë prej tyre kanë qenë civil të cilët në asnjë mënyrë nuk kanë marrë pjesë në luftë të cilët kanë pësuar me jetën e tyre” ka thënë Blakaj .
