Edhe pesë ditë i kanë mbetur bizneseve të lidhin kontratë me furnizues afatgjatë për energji elektrike.
Kjo pasi nga data 31 korrik, këtyre kompanive të cilat kanë dal në treg të hapur, do ti përfundojë furnizimi nga KEK-u si furnizuesi i mundësisë së fundit.
Madje nga Zyra e Rregullatorit të Energjisë Elektrike kanë paralajmëruar bizneset se do të ketë ndërprerje të energjisë elektrike në rast që kompanitë nuk nënshkruajnë kontratë me njërën nga furnizuesit.
Por nga Aleanca Kosovare e Bizneseve thonë se asnjëri nga 25 kompanitë e licencuara nuk është serioze përveç KESCO-s.
“Deri me tani ne nuk e kemi parë ndonjë kompani serioze për furnizim me energji elektrike ose kjo aktualja që është dhe pothuajse vetëm nga KEDS/KESCO i kemi marrë ofertat pavarësisht që ka disa kompani tjera që janë licencuar por ato nuk kanë operuar dhe bizneset hezitojnë të lidhen me një kompani që nuk kanë histori”, ka thënë Shahini.
Edhe sipas ekspertit të energjetikës, Adhurim Haxhimusa, tregu nuk është i gatshëm për liberalizimin e energjisë elektrike.
“Gjendja në terën tregon se ende bizneset nuk janë të gatshme për këtë kalim , dhe ky kalim është duke krijuar një lloj kaosi, kaos është duke krijuar edhe nga bizneset të cilat as nuk janë duke ditur se çfarë ka me ndodh pas një gushti”, ka thënë Haxhimusa.
Madje edhe sipas tij kompanitë e licencuara për furnizim me energji nuk kanë kapacitete për një gjë të tillë.
“Edhe pse një numër i kompanive janë të licencuara nga rregullatori i energjisë për me bo tregetin me për me ofru shërbime asmjëra nuk i ka kapcitetete për me i ofr shërbim me një cilësi të lartë me çmime të ulëta e të cilat janë atraktive për bizneset kosovare”, ka thënë tutje Haxhimusa .
Prandaj nga Dhoma e Tregtisë dhe Industrisë paralajmërojnë krijim të kaosit në rast që ndërpritet energjia elektrike për bizneset.
“Ne presim që edhe me tutje të vazhdon furnizimi me energji elektrike asesi nuk guxon që të ndalet energjia elektrike për këta furnizues pavarësisht se kanë nënshkruar apo nuk kanë nënshkruar këta duhet të furnizohen me energji elektrike, në të kundërtën nëse i ndërpritet energjia elektrike do të ketë një paralizim”, ka përfunduar Shahini.
Bizneset kishin organizuar edhe protestë si dhe i janë drejtuar Gjykatës Komerciale në lidhje me vendimin e ZRRE-së për dalje në treg të lirë të energjisë elektrike.
