Kryenegociatori i Kosovës në bisedimet me Serbinë, Besnik Bislimi ka thënë se temë diskutimi në Bruksel ishte edhe çështja e targave.
Ai ka deklaruar se e ka përmendur çështjen e djegies së veturave me targa RKS, pas të cilit akt sipas tij nuk ka pasur regjistrime të reja.
Megjithatë ka shtuar se marrëveshja për targa nuk negociohet por vetëm duhet të zbatohet.
“Kemi diskutu edhe për çështjen e targave se si po ecën implementimi. Unë kam raportu se deri në fund të marsit ka pasë një zhvillim të mirë por pastaj pas kërcënimeve dhe djegieve të veturave në ditën e hënë nuk ka pasë vetura të regjistruara. Ka pasë kërkesa të Serbisë që prapë Kosova të tregojë vullnet të mirë dhe të mos vendosë masa ndaj këtyre, por mendoj që kjo periudhë ka kaluar e më nuk mund të diskutohet as negociohet për targa dhe vetëm duhet të zbatohet”, ka thënë Bislimi, transmeton teve1.
