Zëvendëskryeministri, Besnik Bislimi ka reaguar pasi Kosovës iu pamundësua kontributi në Konferencën e Donatorëve për Turqinë dhe Sirinë, për shkak të paraqitjes së vendit me fusnotë nga organizatori.
“Republika e Kosovës është treguar bujare në ndihmën e saj për të prekurit nga tërmetet shkatërruese të muajit të kaluar. Por, fusnota e papranueshme e pengoi Kosovën dhe Ministrin e Financave Hekuran Murati që të marrë pjesë në konferencën e sotme të donatorëve për ndihmë të mëtejshme”, ka shkruar Bislimi.
Këtë Bislimi e ka quajtur në kundërshtim me Marrëveshjen e Brukselit teksa e ka fajësuar organizatorin, BE-në.
“Është e padrejtë si dhe në kundërshtim me Marrëveshjen e Brukselit dhe karakterin e kësaj konference. Kosova është një partner i besueshëm për aleatët e saj, organizatat ndërkombëtare dhe iniciativat e përbashkëta. Ndihma dhe mbështetja jonë u pamundësua sot nga organizatori”, ka shkruar Bislimi.
1/2 The Republic of Kosova has been generous in its aid for those affected by last month’s devastating earthquakes. But the unacceptable asterisk prevented Kosova & Minister of Finance @HekuranMurati from participating in today’s donor conference for further aid.
— Besnik Bislimi (@BislimiBesnik) March 20, 2023
Fusnota pengesë që Kosova të kontribuojë në Konferencën e Donatorëve për Turqinë
