Zëvendëskryeministri në detyrë Besnik Bislimi, ka njoftuar se të mërkurën ka pritur në takim deputetët e Bundestagut gjerman, Tilman Kuban dhe David Preisendanz, të cilët po vizitojnë vendin gjatë kësaj etape të tyre në rajon.
Sipas Bislimit, gjatë takimit me Kuban dhe Preisendanz ai ka theksuar synimin dhe orientimin strategjik të Kosovës për t’u bërë pjesë e familjes evropiane.
Ai ka bërë të ditur se po ashtu janë trajtuar edhe mundësitë dhe potenciali për zgjerim të bashkëpunimit mes Kosovës dhe Gjermanisë në fusha me interes të përbashkët.
“Si aleatë, miq dhe partnerë, forcojmë dhe rrisim lidhjet mes dy shteteve tona”, ka shkruar Bislimi në Facebook.
