Policia e Kosovës ka dhënë detaje për rastin tragjik në Majac të Podujevës ku një burrë u vra në vendngjarje , kurse një grua ka vdekur në Emergjencën e QKUK-së pas plagëve të marra.
Sipas Policisë së Kosovës burri i vrarë është gjetur në veturë, pronë e një mashkulli nga Obiliqi.
“Bazuar në informatcionet dhe hetimet fillestare, në vendin e ngjarjes është hasur vetura (VË) ngjyrë e bardhë me targa lokale (01), e cila është verifikuar dhe ka dalë në pronësi të një personi mashkull kosovar nga Obiliqi. Nga ekipa mjekësore është konstatuar se personi mashkull kosovar i hasur në automjet është pa shenja jete”, thuhet nga Policia e Kosovës.
Poashtu bëhet e ditur se dyshuara për vrasjen që posedonte armë zjarri dhe paraqiste rrezik për jetën e saj dhe të tjerëve, ishte mbyllur në shtëpi dhe nuk kishte pranuar të bisedonte me askënd.
Për këtë kishte intervenuar Njësia Speciale që kishte marrë situatën nën kontroll.
“Referuar situatës, janë angazhuar Njësia Speciale Intervenuese dhe zyrtët për ndërmjetësim, të cilët kanë intervenuar brenda në shtëpi duke vënë situatën nën kontroll, ku dy persona të gjinisë femërore janë gjetur brenda, të cilat dyshohet se kanë plagë të rënda, por janë me shenja jete. Nga njësia emergjente iu është dhënë tretmani mjekësor, dhe pastaj të njëjtat nën mbikëqyrjen mjekësore dhe policore janë dërguar në qendrën spitalore”, thuhet nga Policia.
