Është ndaluar për 48-orë i dyshuari R.K nga Komuna e Skenderajt pasi kishte kanosur dëshmitarin bashkëpunues në çështjen penale “Brezovica”.
Lajmi është konfirmuar nga Prokuroria Themelore e Ferizjat.
I dyshuari kishte kërcënuar me vrasje dëshmitarin në një restorant më 21 mars të këtij viti.
“I pandehuri R.K., më 21 Mars 2026, në restaurantin “Mero” cili gjendet në fshatin Uglar- Komuna -Fushë Kosovë, ka kanosur seriozisht se do ta vras të dëmtuarin i cili ishte i pranishëm në një dasëm, me fjalët “vetëm qenke me fëmijë se pa të vra në këtë vend nuk e kisha lan”, i cili është edhe dëshmitar bashkëpunues në çështjen penale të njohur si “Brezovica” me qëllim të frikësimit të tij që të përmbahet nga dhënia e deklaratave në këtë çështje penale e cila është në shqyrtim gjyqësor në Gjykatën Themelore në Pejë, thuhet nga Prokuroria.
Bëhet e ditur se personi i ndaluar R.K., ka qenë i pandehur në rastin “Brezovica.
