Një 35-vjeçare ka vdekur sot pasi ka rënë nga lartësia e një ndërtese në rrugën “Nexhip Dragaj” në Mitrovicë.
Zëdhënësi i Policisë, Avni Zahiti ka bërë të ditur për teve1.info se viktima ishte dërguar fillimisht për trajtim mjekësor në QKUK, pastaj ka vdekur.
“Sot, rreth orës 14:00, është raportuar se në rrugën “Nexhip Dragaj” në Mitrovicë, si pasojë e rënies nga lartësia e një ndërtese ka pësuar lëndime trupore viktima rreth 35 vjeçare, femër/ kosovare, e njëjta është dërguar për tretman mjekësor.Ndërsa në ora 18:00, nga QKUK në Prishtinë është raportuar se viktima ka vdekur. Me urdhër të prokurorit trupi i pa jetë dërgohet në IML për obduksion”, deklaroi Zahiti.
Siç bëri të ditur ai, hetuesit policorë kanë nisur hetimet për të sqaruar rrethanat e rastit. /Teve1.info/
