Në seancën e sotme, pas formimit të Komisionit të përkohshëm për verifikimin e kuorumit dhe të mandateve të deputetëve janë betuar edhe deputetët e zgjedhur për legjislaturën e dhjetë të Kuvendit të Kosovës.
Anëtarë e Komisionit u zgjodhën Adnan Rrustemi i VV-së, Përparim Gruda i PDK-së, Armend Zemaj i LDK-së, Sërgjan Popoviq i Listës Serbe, Albana Bytyqi e AAK-së dhe përfaqësues të partive të tjera të komuniteteve.
Ndërsa, 118 deputetë kanë votuar për raportin e Komisionit te përkohshëm për verifikimin e kuorumit dhe mandateve te deputetëve.
Në tekstin e Betimit shkruan: “Unë, deputet i Kuvendit të Republikës së Kosovës, betohem se me nder e me përkushtim do ta kryej detyrën time dhe do ta përfaqësoj me dinjitet popullin, do të punoj në interes të Kosovës dhe të gjithë shtetasve të saj, do të angazhohem për mbrojtjen dhe për respektimin e kushtetutshmërisë dhe të ligjshmërisë, për mbrojtjen e sovranitetit, tërësisë territoriale dhe të integritetit institucional të Kosovës, për garantimin e lirive dhe të drejtave të njeriut, në përputhje me ligjet e vendit. Betohem!”.
/teve1.info/
