Mesfushori i Kombëtares së Shqipërisë, Kristjan Asllani do të kthehet te skuadra e Interit në fund të sezonit aktual.
Beshiktashi ka vendosur që mos ta shfrytëzojë opsionin e blerjes së Asllanit në verë, të cilin e kishte huazuar në fillim të këtij viti nga Interi.
Asllani me fanellën e Beshiktashit ka regjistruar 15 ndeshje, ku ka shënuar 2 gola dhe ka bërë po aq asistime por nuk ka bindur drejtuesit e klubit turk për ta blerë kartonin e tij për 13 milionë euro.
Mesfushori 24-vjeçar ka kontratë deri në vitin 2028 me Interin, ekip që menjëherë do ta nxjerrë në shitje pasi Asllani nuk bën pjesë në planet e trajnerit Christian Chivu.
Asllani në fillim të këtij sezoni u huazua te Torino, ekip që vendosi ta shkëpusë kontratën e marrëveshjes me Interin në fillim të vitit.
