Deputeti i Partisë Demokratike të Kosovës, Hisen Berisha, ka thënë se Qeveria e Kosovës nuk ka pranuar të ndihmohej nga administrata e Bidenit.
Sipas Berishes është sabotuar mbështetja amerikane duke refuzuar së pari Marrëveshjen e Uashingtonit dhe më pas secilin projekt tjetër pas saj.
“Qeveria e Kosovës nuk pranoi të ndihmohej nga qeveria amerikane, qeveria e Kosovës e sabotoi dhe e refuzoi mbështetjen amerikane duke refuzuar së pari marrëveshjen e Uashingtonit të nënshkruar nga presidenti serb dhe kryeministri i Kosovës e vetmja marrëveshje e nënshkruar dhe e garantuar nga SHBA, e dyta refuzoi projektet që erdhen pas kësaj marrëveshje siç ishte gazi..,”, ka thënë ai në emisionin “Info Nata”, në Tëvë1.
