Deputeti i Partisë Demokratike të Kosovës, Hisen Berisha, akuzoi Qeverinë Kurti se ka marrë miliona euro për të gjetur vrasës dhe ka tentuar të gjejë dëshmitarë në Hagë.
Ndër të tjerash, Berisha tha se Qeveria aktuale ka marrë hua nga Banka Botërore, për të dhënë ndihma sociale, shkruan teve1.info.
“Kjo Qeveri ka vjedhur në blerjet e rezervave shtetërore, ka vjedhur bukën e vajin nga goja e popullit. Ka marrë para miliona për të gjetur vrasës me para për gjetjen e dëshmitarëve për Hagë. Përmendeni një marrëveshje të mirë që Qeveria Kurti e ka bërë për këtë popull, përpos që kanë marrë hua nga Banka Botërore, e kanë rritur borxhin për të dhënë ndihma sociale, e për t’i mashtruar të varfërit e mirë. Pra, po manipulohet”, deklaroi Berisha në emisionin “Infonata”.
Madje, Berisha deklaroi se ka dyshim të plotë dhe të bazuar, që Qeveria Kurti ka agjenda për ta shkatërruar e falimentuar vendin./teve1.info/.
