Dhjetë ulëse i kanë të siguruara në Kuvendin e Republikës së Kosovës.
Mirëpo, komuniteti serb nuk ka shumë opsione për të mbështetur në zgjedhje.
Votat e tyre ndahen kryesisht mes Listës Serbe dhe Partisë për Liri, Drejtësi dhe Mbijetesë.
Megjithatë, politikanë nga veriu i Kosovës, vlerësojnë se ndaj qytetarëve serbë akoma ekzistojnë presione nga Beogradi, ndikim i cili vlerësohet se edhe e përcakton votën e tyre.
Madje, ka pretendime që muaj më parë janë bërë përgatitje financiare nga Serbia për të blerë vota në komunitetin serb.
“Mendoj që as këto zgjedhje nuk do të ndryshojnë shumë, por thellësisht besoj që partia e Nenad Rashiqit mund të arrijë deri në 2-3 mandate. Megjithatë, ajo që qytetarët shqiptarë nuk e përcjellin dhe nuk e dinë është që është duke u bërë presion i madh ndaj votuesve të kombësisë serbe. Ata burgosen po shkuan në Serbi, kërcënohen, u merren të drejtat, e disa janë burgosur nga këto kërcënime. Mund të them vetëm se kam dëshmi se gjatë 2-3 muajve të fundit nga Serbia këtu kanë ardhur 10 milionë euro. E qartë që kjo është blerje e votave”, tha ish-zëvendësministri Radoica Radomiroviç.
Nga zgjedhjet e fundit, Lista Serbe arriti t’i fitonte 9 ulëse në Kuvendin e Republikës së Kosovës, kurse partia e Nenad Rashiq, e siguroi një.
