Sulmuesi Karim Benzema pritet të largohet nga skuadra e Al-Hilalit gjatë kësaj vere, kanë raportuar mediumet e huaja, të hënën.
Thuhet se klubi nga Arabia Saudite pritet ta shkëpusë kontratën me Benzeman, e cila i skadon në verën e vitit të ardhshëm.
Kjo ndarje e mundshme bazohet në vendimin e trajnerit Simone Inzaghi, i cili nuk e sheh Benzeman si lojtar kyç në projektin e tij.
Kështu që, gjasat janë të mëdha që palët të ndahen pasi Benzema është i gatshëm të largohet nga klubi saudit, të cilit i ka kërkuar pagën e plotë deri në fund të kontratës.
Tek Al-Hilali, tashmë kanë gjetur zëvendësuesin e Benzemas pasi trajneri Inzaghi po e kërkon sulmuesin e Aston Villas, Ollie Watkins.
Benzema është pjesë e Al-Hilalit prej fillimit të vitit 2026 kur iu bashkua nga skuadra tjetër saudite, Al-Ittihad.
