Gazetari Besian Beha përcjellës i zhvillimeve në Gjykatën Speciale, ka thënë se kjo gjykatë e krijuar për hetime për krime lufte, ka dyfish më shumë raste për pengim të drejtësisë se sa për krimet e supozuara të luftës.
Beha ka thënë se në disa raste këtyre arrestimeve i është një pompozitet më i madh.
“Në disa raste pengimi i drejtësisë i është dhënë një pompozitet më i madh se sa që duhej, aktualisht kemi dyfish raste më shumë për pengim të drejtësisë se sa për krimet e supozuara të luftës. Për cka është kriju kjo gjykatë”, ka thënë gazetari i “Nacionales”,në emisionin “Këndi i Debatit” në Tëvë1.
Beha duke folur për arrestimet e së enjtes nga Specialja, tha se kjo gjykatë po përdorë një taktikë që t’i mbajë në presion personat e dyshuar.
“Kemi shumë raste që kanë nisur hetimet dhe që ka zgjatur me vjet dhe në asnjë moment perosna e dyshuar nuk lajmërohen nëse kanë përfundua hetimet. Para disa muajsh në shtëpitë e të arrestuarëve ka pasur bastisje dhe është e çuditshme të nevojitet një vit kohë për evident nëse një person ka pengu drejtësinë”, tha ai.
Isni Kilaj, Bashkim Smakaj dhe Fadil Fazliu janë arrestuar të enjten. Ndonëse nuk janë bërë të ditura arsyet ata dyshohet se janë arrestuar për pengim të drejtësisë.
Poashtu është bërë bastisja e shtëpisë së Hajredin Kuçit i cili është pjesë e ekipit mbrojtës të Hashim Thaçit.
