Mesfushori Medon Berisha i ka shpëtuar një lëndimi serioz dhe pritet të jetë jashtë fushës maksimumi brenda një muaji, kështu ka mësuar Telegrafi me burime pranë lojtarit.
Ylli i Lecces u largua mes lotësh në përballjen ndaj Pisa në Serie A, ndërsa mediat italiane fillimisht raportuan se ka gjasa të këtë këputur muskujt aduktorë, që do t’ia pamundësonin të rikthehej në fushë për disa muaj.
Megjithatë, mësohet se lëndimi i Berishës nuk është aq serioz.
Ai do t’i kryejë testet mjekësore sërish pas dy ditëve, por në shenjat e para duket se do të jetë jashtë fushës për disa javë, maksimumi një muaj.
Ky lajm padyshim është i shkëlqyer për Berishën, pasi ishte lojtari më në formë te Lecce, duke qenë i vetmi titullar i padiskutueshëm këtë edicion.
Berisha përndryshe po mahnitë të gjithë në Serie A, ku në 12 paraqitje ka kontribuar me dy gola e tri asistme.
