Pas vendimit të sotëm të Gjykatës Kushtetuese lidhur me bllokadën institucionale në Kuvendin e Kosovës, Bashkimi Evropian ka reaguar duke i bërë thirrje partive politike që t’i respektojnë qartë sqarimet e dhëna dhe të punojnë për të gjetur zgjidhje.
“Gjykata Kushtetuese ka folur dhe ka dhënë sqarime të rëndësishme”, thuhet në reagimin e BE-së.
Sipas BE-së, është thelbësore që të gjitha subjektet politike të përfaqësuara në Kuvend të respektojnë vendimin e Kushtetueses dhe të gjejnë sa më parë kompromisin dhe shumicën e nevojshme për zgjedhjen e kryetarit dhe zëvendëskryetarëve të Kuvendit.
“Nuk ka më kohë për të humbur në një ngërç politik!”, theksohet në reagim./teve1.info/
